Bakit kaya "Inutos" ng Diyos Ama na Sambahin din si Cristo tulad Niya kahit, para sa INC1914 ay isang Tao lamang si Cristo?

Malimit na pinaghuhugutan ng mga kaanib sa INC ni Felix Y. Manalo ang Exodo 20:3 kung saan INUUTOS ng Diyos ang MAHIGPIT na BILIN niyang WALANG IBANG SASAMBAHIN kundi SIYA LAMANG!

Pero sa ibang banda, inuutos din sa mga kaanib ng INC ni Felix Y. Manalo na si CRISTO ay DAPAT din daw SAMBAHIN, sapagkat UTOS din daw ito ng AMA.

Samakatuwid baga'y SINASALUNGAT na ng Diyos Ama ang KANYANG UTOS na SIYA LAMANG ang DIYOS at SIYA LAMANG ang DAPAT SAMBAHIN?

Ngunit alam naman natin na HINDING-HINDI maaaring salungatin ng Diyos Ama ang kanyang sarili. Kaya ang pinakamamalapit na kasagutan sa mga kaanib ng INC na tatag ni Felix Y. Manalo noong 1914 ay, ang sabihin sa kanila na MALING-MALI ang kanilang pagkaunawa. SILA ANG MALI. Hindi ang Diyos Ama.

FILIPOS 2:5-11

Ang kanilang tinutukoy na INUTOS daw ng DIYOS AMA na SAMBAHIN si HESUS ay hango sa Sulat ni Apostol Pablo sa mga taga-Filipos 2:5-11 na ganito ang sabi:

"Nawa'y magkaroon kayo ng kaisipan na tulad ng kay Cristo Jesus. Kahit taglay niya ang kalikasan ng Diyos, hindi niya ipinagpilitang manatiling kapantay ng Diyos. 

Sa halip, kusa niyang binitawan ang pagiging kapantay ng Diyos, at namuhay na isang alipin. Ipinanganak siya bilang tao. 

At nang siya'y maging tao, nagpakumbaba siya at naging masunurin hanggang kamatayan, maging ito man ay kamatayan sa krus.  

Dahil dito, siya'y lubusang itinaas ng Diyos, at binigyan ng pangalang higit sa lahat ng pangalan. 

Sa gayon, sa pangalan ni Jesus ay luluhod at magpupuri ang lahat ng nasa langit, nasa lupa, at nasa ilalim ng lupa. 

At ang lahat ay magpapahayag na si Jesu-Cristo ay Panginoon, sa ikaluluwalhati ng Diyos Ama.

[Ang pagdidiin ay nagmula lamang sa atin.] 

ANONG MGA DAHILAN KUNG BAKIT SI CRISTO AY PANGINOON DIN NA DAPAT SAMBAHIN AYON SA FILIPOS 2?

• UNA, SIYA AY DIYOS! Ganyan ang kanyang kalagayan!

• PANGALAWA, Siya ay nagpakumbaba (humble). Hinubad niya ang pagka-Diyos, NAPARITO sa LAMAN (Tao) at NAMUHAY na daig pa ang isang ALIPING walang karapatan at walang halaga.

• PANGATLO, naging MASUNURIN (obidient), sa Ama. Inalay niya ang Kanyang sarili bilang BAYAD sa ating mga kasalanan. NIYAKAP niya ang KAMATAYAN na dapat sana ay kaparusahan sa kasalanan ng tao-- at ang Kanyang kamatayan ay hindi basta-basta ordinaryong kamatayan kundi ISANG KAMATAYAN bilang kaparusahan ng isang taong nagkasala-- ang KAMATAYAN SA KRUS.

DAHIL DITO sa mga binanggit ni Apostol San Pablo, DINADAKILA ng Diyos Ama ang ANAK. Na sa Kanyang PANGALAN, ang lahat ay maninikluhod sa kanya bilang pagsamba, at ang lahat ng wika ay MAGPAPAHAYAG na si CRISTO AY PANGINOON sa kaluwalhatian ng IISANG DIYOS AMA, ANAK AT ESPIRITU SANTO!

TANONG: BAKIT HINDI PINAPAHAYAG NG MGA KAANIB SA INC NI FELIX MANALO ANG FILIPOS 2:5-8?

SAGOT: Sapagkat malinaw na sinasabi sa mga talatang nabanggit na si Cristo ay nasa anyo ng kalikasan ng Diyos. Sa madaling salita, Siya ay Diyos na nagkatawang-tao, kaya't nakikita natin siya sa kanyang anyong Tao!

TANONG: BAKIT PINASASAMBA SI CRISTO TULAD NG SA DIYOS AMA?

SAGOT: Sapagkat ang utos ng Diyos sa Exodu 20:3 na tanging Diyos lamang ang dapat sambahin. At kung si Cristo ay Panginoon din tulad ng Diyos Ama; at Siya ay Diyos din tulad ng Ama (Ako at ang Ama ay Iisa (Juan 14:9), marapat lamang na sambahin din si Cristo!

TANONG: NGAYON AT ALAM NA NG MGA INC ANG DAHILAN KUNG BAKIT SINASAMBA SI CRISTO, ANONG MANGYAYARI SA KANILA KUNG AYAW PA RIN NILANG TANGGAPIN SI CRISTO BILANG DIYOS NGUNIT SINASAMBA PA RIN BILANG TAO?

SAGOT: Sila'y mananagot sa kanilang katigasan ng ulo. Sila ay masusunog sa dagat-dagatang apoy sapagkat tahasan nilang tinalikuran ang katotohanan tungkol sa Anak ng Diyos na si Cristo na ating Panginoon.

TANONG: MAY KAHIHINATNAN BA ANG KANILANG PAGSUWAY? SILA BA AY MAITUTURING NA MGA TAGA-SUNOD NI CRISTO?

SAGOT: Hindi sila maituturing na tagasunod ni Cristo. Sa kanilang tahasang pagsuway sa katotohanan, sila ay mga kaaway ni Cristo - o mga anti-Cristo.

TANONG: NAPAKARAHAS NAMAN YATA NG PARATANG. ANO PO BA ANG ATING SALIGAN PARA SABIHING HINDI SILA MGA KAIBIGAN NI CRISTO?

SAGOT: Pasasagutin natin ang Sulat ni Apostol San Juan (2 Jn 1:7-8a), ganito ang sabi; 

"Sapagkat nagkalat sa sanlibutan ang mga mandaraya! Ayaw nilang kilalanin na si Jesu-Cristo'y naparito sa lamang bilang tao. Ang ganoong tao ay mandaraya at kaaway ni Cristo. Mag-ingat nga kayo upang huwag mawalang saysay ang aming pinagpaguran..."

 

Kaya't ang paalala ni Apostol San Juan ay ang mag-ingat sa kanila. Sila ay mg tuso. Gumagamit ng Bibliang hindi naman nila pinaghirapan, at lalong wala silang ambag rito. Sila ay nakikibasa lamang sa aklat ng mga Katoliko ngunit ipapangaral nilang mas sila pa ang nakakaunawa kaysa sa mga Katoliko na silang nagbigay ng Biblia sa sangkakristianuhan!