Worldwide Walk to Fight Poverty ng Iglesia Ni Cristo®: Sino ngayon ang "Makasanlibutan"?

Maraming mga opisyal na terminolohiyang ginagamit ang mga Iglesia Ni Cristo® -1914 sa kanilang mga pangangaral. Halimbawa na lamang, ang PAGHATOL nila sa mga Katoliko na "MAKASANLIBUTAN". 

Ano ba ang ibig sabihin ng makasanlibutan ayon sa katuruan ng INC™?

Sa kanilang PASUGO Setyembre 1970, p.20, ganito ang pagkasabi:

“Sino ba ang nakadaya sa buong sanlibutan ayon sa itinuturo ng Banal na Kasulatan? Sa Apoc. 12:9 ay ganito ang mababasa: 'At inihagis ang malaking Ahas, ang tinatawag na Diablo at Satanas, ang nakadaya sa buong sanlibutan.' Sinasabi ng Banal na Kasulatan o Biblia na si Satanas o ang Diablo ang nakadaya sa buong sanlibutan. Kaya Satanas ang Pambuong Sanlibutan. Kung ang Iglesia Katolika Romana ay pambuong sanlibutan o laganap sa buong sanlibutan kung gayon ito ang nadaya ni Satanas."

Ang sanlibutan ay kay Satanas sapagkat "dinaya" raw ito ni Satanas. At sa kanilang baluktot na lohika, kung ang Iglesia Katolika ay "LAGANAP" sa buong mundo, kung gayon "ITO [raw] ANG NADAYA" ni Satanas.

Hindi ba't ang tinutukoy sa Pahayag 12:9 ay ang NANDAYA (Satanas) at hindi ang nadaya (sanlibutan)?

Pero ang tanong natin eh: Ito bang Iglesia Ni Cristo®-1914 ay pang-lokal (Pilipinas) lamang o PANG-BUONG MUNDO?

Pasasagutin natin ang aklat ni G. Pinzon na "Ang Katotohanan Tungkol sa INC-1914".

Tanong: Ito bang Iglesia na itinaguyod nina Manalo ay para sa Pilipinas lamang o pambuong mundo at naging laganap na sa buong daigdig?

Sagot: Ang sasagot sa tanong na ito ay ang PASUGO na napalathala noong Abril 1969, at ang nababasa sa huling panakip ay ganito: (patula)

“Kung buhay ang sugo, Makikita niya na hindi nasayang;

Ang mga panahong kanyang ginugol nang siya'y mangaral;

Saka ang Iglesia'y hindi lamang dito ngayon nakatatag;

Tumawid na ito sa ibayong Pangpang nitong Pilipinas;

Pati na sa Hawaii at sa San Francisco doo'y lumaganap;

Nakatatag ngayon si Cristong pinakahahamak;

Papaano di gayon ay kalat na ngayon ang mga kapatid;

At nangakalatag sa palibut-libot ng buong daigdig."

(Hindi totoo ito, ngunit napasilat...)

Dito pa lamang sa unang puntong ito, ay nagangamote na sina Manalotos. Bakit? Sapagkat sila ang may sabi na ang Iglesiang laganap o pambuong sanlibuan ay siya ang nadaya ni Satanas na Diablo.

Pansinin: Ang kanilang Kapatid daw ay nangalatag sa palibut-libot ng buong daigdig. Kahabag-habag na nilalang ng Dios.

Tanong: Mayroon po bang ibang daigdig na kinaroroonan ng mga tao? O wala na ba sina G. Manalotes dito sa daigdig na ito?

Sagot: Narito rin sila na kasama natin sa mundo. Kung gayon kay Satanas din sila, ayon sa kanilang sinabi, na kay Satanas ang buong mundo.

Ayon, lumalabas na MAS MAKASANLIBUTAN pa nga ang Iglesia Ni Cristo®-1914 ni Felix Manalo  kaysa ang Iglesia Katolika sapagkat halos isangla na nila ang kanilang kaluluwa sa sanlibutang ito.

Tinatamasa na nila ang KAPURIHAN ng SANLIBUTAN at hindi ang kapurihan ng Diyos. Sa kanilang mga gawain, nais lamang nilang MASUNGKIT ang titulo bilang WORLD RECORD HOLDER ng GUINNESS WORLD RECORD.

An expected 358 sites around the globe in 44 countries, 33 territories and across 18 time zones will simultaneously host the multi Guinness World Record event. The first Worldwide Walk event in 2014 was recognized as the largest charity walk across multiple venues held in 24 hours. It had 519,221 participants from 129 sites across the world, situated in 16 countries. This year's Worldwide Walk to Fight Poverty is aimed to beat its own records. -PRNewswire

Sa kanilang "Worldwide Walk to Fight Poverty" hindi po kabawasan sa bilang ng mga mahihirap ang GUINNESS WORLD RECORD. Pakitang-tao lamang upang purihin sila ng SANLIBUTAN!

At hindi po maitatago sa kanilang mga kaanib ang kanilang KATUWAAN at GALAK sa nakakamit na maka-SANLIBUTANG KAPURIHAN: GUINNESS WORLD RECORD HOLDER!

Sila na nga ang laging gustong MAKASUNGKIT ng kapurihan ng SANLIBUTAN, eh, mga Katoliko pa ang hinahatulan na maka-sanlibutan at nadaya ng diablo?!

Ang Tunay na Iglesia Laganap sa Buong Mundo!

Ang pagiging LAGANAP ng TUNAY na IGLESIA sa BUONG MUNDO ay hindi po gawa-gawa lamang ng mga Katoliko. Ito IPINAGBUNYI mismo ni Apostol San Pablo sa kanyang sulat sa mga Katolikong Kristiano sa ROMA (1:7-8)

Sa inyong lahat na nasa Roma, mga minamahal ng Diyos at tinawag upang maging banal, sumainyo nawa ang pagpapala at kapayapaang mula sa Diyos na ating Ama at sa Panginoong Jesu-Cristo. 

Una sa lahat, nagpapasalamat ako sa aking Diyos sa pamamagitan ni Jesu-Cristo dahil sa inyong lahat, sapagkat ang inyong pananampalataya ay balitang-balita sa buong daigdig.

Napakasarap namang pakinggan. Na noon pa lamang sa panahon ni Apostol San Pablo ay KILALA na pala ang PANANAMPALATAYA ng mga TAGA-ROMA kay Cristo Jesus. At TAYO po ang mga SAKSI sa pananampalatayang tinutukoy ni San Pablo. Sapagkat sa buong mundo tanging ang IGLESIA KATOLIKA lamang ang BANTOG ang pananampalataya ~ THE ROMAN CATHOLIC and APOSTOLIC CHURCH OF CHRIST! Kasama na po riyan ang iba pang mga Catholic Churches na KINIKILALA ang KATANYAGAN ng ROMA kung saan matatagpuan ang THE VATICAN CITY STATE, the Seat of the Catholic Church!

Part of a series on
Particular churches sui iuris of the Catholic Church
Latin cross and Byzantine Patriarchal cross
Particular churches are grouped by rite.
Latin Rite
Latin
Alexandrian Rite
Coptic Ethiopian Eritrean
Armenian Rite
Armenian
Byzantine Rite
Albanian Belarusian Bulgarian Croatian and Serbian Greek Hungarian Italo-Albanian Macedonian Melkite Romanian Russian Ruthenian Slovak Ukrainian
East Syriac Rite
Chaldean Syro-Malabar
West Syriac Rite
Maronite Syriac Syro-Malankara
Catholicism portal  Eastern Christianity portal

At sa pamamagitan ng IGLESIA SA ROMA, ang LAHAT ng mga [TUNAY] Iglesia ni Cristo ay BUMABATI sa kanya (16:16)!

Samakatuwid, ang IGLESIANG NASA ROMA ay BANTOG, KILALA, TINAWAG SA KABANALAN at BINABATI ng lahat ng Iglesia ni Cristo!

Ang Iglesiang Makasanlibutan (INC™-1914)

“Kaya nga, kapag naglilimos ka, huwag mo nang ipag-ingay pa gaya ng ginagawa ng mga mapagkunwari. Naglilimos sila sa mga sinagoga at sa mga lansangan upang sila'y mapuri ng mga tao. Tandaan ninyo: tinanggap na nila ang kanilang gantimpala. Sa halip, kapag naglilimos ka, huwag mo nang ipaalam ito sa pinakamatalik mong kaibigan. Gawin mong lihim ang iyong paglilimos at ang iyong Ama na nakakakita ng kabutihang ginagawa mo nang lihim ang siyang magbibigay ng gantimpala sa iyo.” -Mateo 6:2-6

Iglesia Ni Cristo to hold walk vs poverty, for Guinness record

By BusinessMirror - April 26, 2018

TWO years after setting its Guinness World Record for the biggest simultaneous charity walk, International religious organization Iglesia Ni Cristo (INC) will attempt to beat the feat by holding the second round of the walkathon.

INC will hold its second record-breaking simultaneous walkathon next month to fight poverty.

In a bid to beat its own feat at the Guinness World Record, INC will hold its Second Worldwide Walk (SWW) on May 6, 2018, at the iconic Roxas Boulevard from 4 a.m. onward.

The event will be simultaneously held at 358 sites around the globe in 44 countries, 33 territories and across 18 time zones. [Continue Reading...]

MAKASANLIBUTANG NGA BA ANG INC™ 1914?

Kaya pala PILIT SUNGKITIN ng INC™ (Iglesia Ni Cristo®) ang "GUINNESS RECORDS" sa "Largest Gospel Choir" ay sapagkat ito pala ay kasalukuyang pagmamay-ari ng "ANG DATING DAAN" ( Members Church of God International) ayon sa official site ng Guinness.

Noong nakaraang taon, ibinalita ng GMANews na ang Iglesia Ni Cristo® ang nagmamay-ari ng "The Largest Gospel Choir" na may 4,745 na mang-aawit. Ngunit sa sumunod na taon (2015) ay SINUNGKIT naman ito ng kanilang mortal na KATUNGGALI-- ang ANG DATING DAAN na may 8,688 na mang-aawit.

Nitong nakaraang araw (May 22, 2016), SINUBUKANG SUNGKITIN muli ng INC™ ang makasanlibutang katanyagan at naglipana ang maraming mga banners sa social media na nagpapahayag ng katanyagan (daw) ng INC™ dahil napasakanila na raw muli ang MAKASANLIBUTANG parangal mula sa Guinness, halimbawa nitong Tweet ng RECONNECT.

Sa PAGMAMADALING MASUNGKIT, ang RESULTA, HINDI PA PALA OFFICIAL ito.



HUWAG MAKASANLIBUTAN.

Heto ang malinaw na payo ng Panginoong Diyos sa kanyang mga taga-sunod mula sa MATEO 6:19-23:

"Huwag kayong mag-ipon para sa inyong sarili ng kayamanan dito sa lupa na kung saan maraming tanga at kalawang ang naninira. Nanakawin din ang mga ito ng mga magnanakaw. Sa halip, mag-ipon kayo ng kayamanan sa langit dahil doon ay walang tanga at kalawang na sisira, at wala ring mga magnanakaw. Ito ay sapagkat kung saan naroroon ang inyong kayamanan ay naroroon din naman ang inyong puso.

"Ang mata ang ilawan ng katawan. Kaya nga, kapag malinaw ang iyong mata, mapupuno ng liwanag ang iyong buong katawan. Ngunit kapag masama ang iyong mata, mapupuno ng dilim ang iyong buong katawan."

Huwag daw tayong mag-ipon ng kayamanan (o katanyagan) sa lupa sapagkat SUSUNGKITIN din ito ng iba at magiging PALIGSAHAN na lamang ito ng kanilang mga EGO (yabang). Hindi po makalangit ang ganitong adhikain.

Ayon pa rin sa ating Panginoong Diyos na si Jesus sa MATEO 6:2,

"Kaya nga, kapag naglilimos ka, huwag mo nang ipag-ingay pa gaya ng ginagawa ng mga mapagkunwari. Naglilimos sila sa mga sinagoga at sa mga lansangan upang sila'y mapuri ng mga tao. Tandaan ninyo: tinanggap na nila ang kanilang gantimpala. 3 Sa halip, kapag naglilimos ka, huwag mo nang ipaalam ito sa pinakamatalik mong kaibigan. 4 Gawin mong lihim ang iyong paglilimos at ang iyong Ama na nakakakita ng kabutihang ginagawa mo nang lihim ang siyang magbibigay ng gantimpala sa iyo."

Hindi raw tayo dapat MAG-INGAY kapag GUMAWA NG LIMOS tulad ng ginawa nila sa kanilang MEDICAL MISSION na kailangan pang GAMBALAIN ang buong bansa sa MATINDING TRAFFIC na dulot nito PARA LAMANG MAPAG-USAPAN.

Sa kabuuan, ang mga samahang MAKALANGIT ay makalangit din ang gawain. Ang mga iglesiang MAKASANLIBUTAN ay makasanlibutan din ang mga hangarin. At umaasang sa pamamagitan ng mga papuring makasanlibutan ay maipahahayag nila ang kanilang makalupang mithiin.