May sariling produkto ba ang INC™ 1914?

Product of Italy

Product of Mexico

 

Bihasa sa Kasinungalingan para Manlinlang

Sino nga ba ang tunay na mga 'Pagano'?

"Pagano!"

Ito ang malimit na ibinibintang ng mga kaaway ng Iglesia Katolika. 'Pagano' raw ang mga Katoliko sapagkat may mga 'inanyuhang bagay' sila sa kanilang mga tahanan at mga bahay dalanginan.

Ang sabi nila, 'sinasamba' raw ng mga Katoliko ang mga 'rebulto'. 'Niluluhuran' at 'dinarasalan'. Kaya't para sa kanila ay mga Katoliko raw ay mga 'pagano'!

Pero ano nga ba ang 'PAGANO'?

Ang mga pagano ay mga taong SUMASAMBA sa mga diyos na hindi umiiral (non-existent). Ang mga diyos na ito ay mga kathang-isip lamang ng tao at pinalalagay na sila ay buhay at umiiral (existing). At dahil dito, ang mga pagano ay nananalangin at nagpupuri sa mga ito kaya't sila ay tinawag na mga 'diyus-diyosan (pagan gods). At habang umuusal at nananalangin ay pinalalagay na ang mga 'diyus-diyosan' (pagan gods) ito ay mga TUNAY at KAPANTAY ng DIYOS nating BUHAY na Siyang lumikha sa sanlibutan..

Ayon sa mga kumakaaway sa Iglesia Katolika, ang mga tinutukoy nilang mga "diyos" daw ng mga Katoliko ay ang mga imahe ng Inang Santa Maria, ni San Jose, San Miguel, San Gabriel, San Rafael.

Mga 'diyus-diyosan' daw sina San Pedro, San Andres, San Juan at mga alagad. Sina San Esteban, Santa Maria Magdalena, San Isidro, San Roque, Santa Ana, Santa Barbara, Santa Ines. 

Pinalalagay raw ng mga Katoliko na 'diyos' ang mga banal, mga santo at ang mga anghel.

Maling bintang!

Isang malinaw na PAGLILIHIS sa KATOTOHANAN ang pagbintangan sa mga Katoliko na mga "PAGANO" dahil lamang sa pagsinta nila sa mga TAONG NAMUHAY ng MAY KABANALAN. 

Ang PAGBIBINTANG sa kapwa-tao ng isang kasinungalingan ay malinaw na PAGLABAG sa SAMPUNG UTOS ng Diyos na "Huwag kang magsasabi ng walang katotohanan tungkol sa iyong kapwa tao." O kaya'y 'Huwag kang magbibintang sa iyong kapwa.' (Exodo 20:16

Sino ba si Maria? Si San Jose? Si San Miguel, San Gabriel, San Rafael? Sino si San Pedro, San Juan, San Tiago? Sila ba ay mga 'kathang-isip'? Sila ba ay mga diyos na kapantay ng Diyos? Sila ba ay may angking kapangyarihang tulad ng sa Diyos na buhay?  Hindi po!

Si Santa Maria po ay ang INA NG PANGINOONG HESUS!

Si San Jose ay ang tumayong AMA-AMAIN ng PANGINOONG HESUS habang nasa lupa!

Sina San Miguel, San Gabriel at San Rafael ay mga ARKANGGHEL ng DIYOS!

Sina San Pedro, San Andres, San Juan, San Andres, San Bartolome (Nataniel), San Mateo, San Felipe, San Simon, San (Santo) Tomas at San Judas Tadeus? Sila ay mga ALAGAD ng PANGINOONG HESUS!

Anong MERON SILA? Lahat sila ay mga TAONG NAMUHAY ng MAY  KABANALAN ayon sa KABANALANG NAIS ng DIYOS sa bawat sumusunod sa Kanya: "KAYO'Y MAGPAKABANAL SAPAGKAT AKO'Y BANAL" (1 Pedro 1:16) wika ng Diyos!

'Pero may mga imahe kayo! Kaya kayo ay mga pagano!' 

At dahil hindi akma ang salitang 'pagano' sa mga santo't banal, ibinibintang ng mga umaaway sa Iglesia Katolika na ang pagkakaroon daw ng mga banal na imahe ng mga santo ay patunay na ang mga Katoliko ay mga pagano.

Sa isang makitid ang pag-iisip at walang kabanalan at kapayapaan sa diwa tulad ng mga kaanib ng Iglesia Ni Cristo® 1914, hindi lahat ng mga imahe ay mga diyus-diyosan (pagan gods).' 

Depende kung ANONG KLASENG IMAHE ang meron ang isang tao! At kung PARA SAAN ang kanyang imahe! At kung ANONG PAGTURING nito sa isang imahe.

Sa Lumang Tipan pinagbawal ng Diyos ang mga Israelita na sumapi sa mga hentil sapagkat sila ay mga sumasamba sa mga diyos-diyosan.

Halimbawa ng mga diyos ng mga hentil ay si Baal. Isang 'diyos' na di umiiral.  Narito ang listahan ng mga 'diyos-diyosang' sinasamba ng mga sinaunang taong nabanggit sa Biblia. Ang mga diyos-diyosang ito ay mga PRODUKTO lamang ng malilikot na KATHANG-ISIP ng tao, na sa kasalukuyang panahon itinuturing na bahagi na lamang ng ANCIENT MYTHOLOGY! 

HINDI totoong IPINAGBABAWAL ng Diyos ang gumawa ng imahe. Sa Lumang Tipan, si Moses ay INUTUSAN ng Diyos na 'GUMAWA' ng DALAWANG inanyuhang bagay na KERUBIM na YARI SA GINTO at INUTOS na ito ay ILUKLOK sa ITAAS ng BANAL NA DAMBANA ng Diyos na kung tawagin ay 'LUKLUKAN NG AWA'. (Exodo 25)

Ang pagkakaroon ng mga imahe (religious images) sa mga bahay dalanginan ay HINDI tahasang ISINUMPA ng Diyos kundi kung ano ang kanilang mga gampanin (role) sa panalangin ng tao.

Kung ang imahe ay PINALALAGAY mga diyos na KAPANTAY na ng DIYOS, ito ay labag sa Diyos. Ngunit kung ang imahe ng banal (o anghel) ay NAGPAPAALALA lamang tungkol sa KABANALAN ng namayapang tao GAYA NG KABANALAN ng DIYOS, bakit pinagbabawal!

Sila (mga santo) ay katulad ng mga BAYANI ng isang bansa na namuhay na may pagmamahal sa bayan at handang ibuwis ang buhay alang-alang sa kanilang kalayaan at soberenya! Atin silang ipinagdiriwang, ating silang ginugunita at atin silang ginagalang sa ANYONG IMAHE o REBULTO dahil sa kanilang kabayanihan.  At sa mga Katoliko, ang mga santo/santa ay mga BAYANI ng ating PANANAMPALATAY at ginugunita, dinadakila at pinagmamapuri natin ang kanilang KABANALAN!

Kaya't ang pagkakaroon ng mga imahe sa ating mga pagdarasal ay hindi masama sapagkat kailanman, ANG MGA SANTO at SANTA ay HINDI mga DIYOS at HINDI sila magiging KAPANTAY ng DIYOS!

Hindi ba't mas akmang tawaging 'pagano' ang Iglesia Ni Cristo?

Kung ang pagbabatayan natin ay ang tunay na pakahulugan (definition) ng salitang 'pagano', pasok dito ang samahang ITINATAG ni Ginoong Felix Y. Manalo sa Sitio Punta, SANTA ANA, Maynila noong Hulyo 27, 1914 ` 106 taon na ang nakalilipas: ang Iglesia Ni Cristo® 1914!

Sa kanilang pagpapakilala, ang mga kaanib ay IPINAGMAMAPURI nilang sila ay hindi mga Kristiano kundi 'Ako'y Iglesia Ni Cristo' ~ na para bang ang 'INC' ay hindi pangalan ng isang simbahan kundi isang MAKAPANGYARIHANG BAGAY. Para bang pinalalagay nila na ang INC ay hindi pangalan ng isang iglesia kundi isang bagay na ang katumbas ay isang diyos. 

Sa aral, MAS ITINATAAS nila si Felix Y. Manalo sa ANTAS bilang isang 'SUGO' o isang ANGHEL samantalang niyuyurakan nila si Cristo bilang  isang TAO LAMANG, wala man lang sa estado ng pagiging sugo rin o isang anghel!

Sa kanilang mga pagdiriwang, ang HULYO 27 ~ bilang ARAW NG KANILANG ANIBERSARYO ng PAGKAKATATAG, ngunit halos ISUKA nila ang Hunyo 25 ~ pag-aalaala sa kaarawan ni San Juan Bautista, Setyembre 8 - pag-aalaala sa kaarawan ni Maria Ina ni Cristo, Nobyembre 1-2 ~ araw ng lahat ng mga banal (santo) at nang mga yumao! At halos ISUMPA nila ang Disyembre 8 ~ araw ng Kapistahan ng Imaculada Concepcion ~ ang kapistahan ng PAGLILIHI kay Maria, Ina ng Panginoong Hesus, ng walang bahid ng kasalanan at lahat ng mga pagdiriwang ng mga Katoliko sa kanilang mga taunang Pista ng Patron ng Bayan!

Sa mga kaarawan ginunita nila ang MAYO 10 ~ kaarawan ni G. Felix Manalo; ENERO 2 ~ kaarawan ni G. Eraño Manalo at OKTUBRE 11  ~ kaarawan ni G. Eduardo V. Manalo ngunit pilit na IKINAKABIT ang mga salitang "pagano" sa petsang December 25 ~ na kilala naman sa buong mundo bilang 'PAG-AALAALA SA KAPANGANAKAN NI CRISTONG MANUNUBOS'! Ikinakabit nila sina PASKO ng PAGSILANG ang diyus-diyosang si Sol Invictus, na halos walang nag-aalaala o nakakakilala kung ang Sol Invictus ba ay umiral (did exist) kundi isa lamang sa mga maraming mga kathang-isip na diyos ng mga sinaunang Romano. 

Sa paghahambing pa lamang, ang mga Katoliko ay TUMITINGALA sa KABANALAN ng mga nasa likod ng mga imahe. Pero sa mga kaanib ng Iglesia Ni Cristo® 1914 walang kabanalan ang makikita sa kanilang pagtitipon kundi purihin si G. Felix Y. Manalo bilang 'SUGO' raw sa mga huling-araw.  Sa talambuhay ng kanilang TAGAPAGTATAG na si Ginoong Felix Y. Manalo, anong kabanalan ba ang buhay niya? Kay Ginoong Eraño G. Manalo at ni Ginoong Eduardo V. Manalo hindi man lamang sila maihambing sa mga bayani ng bayan, gasino pa kaya na ihambing sila sa TALAMBUHAY ng mga SANTO'T BANAL ng Iglesia Katolika?

(Kaliwa: Prusisyon ng mga Katoliko na naroon ang imahe ni Sta. Maria, ina ng Panginoong Hesus; at ang Krusipiho ng Panginoong Hesus na nakabayubay sa Krus! Kanan: Mga kaanib ng INC™ 1914 na pinagmamapuring iwinawagayway ang mga kulay Luntian, Puti at Pula na sumisimmbulo sa Iglesia Ni Cristo® na tatag ni G. Felix Y. Manalo tatag sa Pilipinas. Sa ibayong dagat, nagpapakilala ang INC™ bilang 'Church Of Christ' ngunit sa dami na ng mga taong nagtatag ng kaparehong pangalang 'Church of Christ', tanging sa simbulo at logo na lamang sila magkakatalo)

Samakatuwid, ang mga PAGANO ay ang mga taong HINDI kumikilala sa kabanalan ng Diyos. Sila ay ang mga taong sumasamba  sa mga bagay o kathang-isip na hindi umiiral, walang buhay at walang kapangyarihan!

Masasambit natin ng may buong kababaang-loob at maipagmamalaki na "Ako'y Katoliko'. Kaanib sa Iglesiang TATAG ng Panginoong Hesukristo ~ ang Iglesia Katolika 'na sa pasimula pa ay siyang Iglesia ni Cristo." (Pasugo Abril 1966, p. 46)

Ang pagiging kaanib sa Iglesiang TATAG MISMO ng Panginoong Hesus ay isang karangalan at isang bagay na ipagmamapuri ng bawat Kristianong Katoliko. At kung sa pagliligtas ng Diyos, ang Kanyang tunay na Iglesia ang ililigtas, hindi ang iglesiang tatag ng tao ~ kasingtunog man ito ng Kanyang iglesia ngunit katotohanang ang Iglesia Ni Cristo ay tatag ng isang tao at pagmamay-ari ng isang angkan.

Iglesia Ni Cristo® 1914 - Bakit Inaangkin ang Pagiging Italiano (Romano)?

BANDILA PO NG BANSANG ITALYA 'YAN!

Pero dito tayo dapat mas excited sa mga facemasks na nagpapahayag ng pagiging kaanib sa tunay na Iglesia ni Cristo.

Source: uCatholic

Magkakulay ngunit Hindi Magkatulad. Magkatunog Ngunit Hindi Magkasing-uri. Magkapangalan Ngunit Hindi Magkapareho. Isang Huwad at Isang Tunay

Italya po ang lehitimong nagmamay-ari ng simbulong iyan at hindi ang INC™ 1914.

Gayun din naman sa pangalan. Hindi porke't may pangalang "Iglesia Ni Cristo" o "Church Of Christ" ay pagmamay-ari na ni Cristo. Ipinangalan hango kay Cristo ngunit HINDI si Cristo ang may-ari kundi si Ginoong Felix Y. Manalo. Itinatag niya ang kanyang iglesia noong July 27, 1914.

PASUGO Mayo 1968, p. 7:

“Ang tunay na INK ay iisa lamang. Ito ang Iglesiyang itinayo ni Cristo. Kung mayroon mang nagsisibangon ngayong mga Iglesia at sasabihing sila man ay Iglesia ni Cristo rin, ang mga ito ay hindi tunay na Iglesia ni Cristo kundi huwad lamang."

MAITUTURING BANG "BAYAN" NG DIYOS ANG IGLESIA NI CRISTO® NA TATAG NI G. FELIX MANALO SA PILIPINAS NOONG 1914?

Iglesia Ni Cristo flag (the colors represent faith, hope and love while the seven-branched candelabrum or menorah represents the church in the Bible) -Wikipedia

NASA BIBLIA BA ANG KAHULUGAN NG KANILANG BANDILA?

Isa lamang iyan sa maraming tanong sa Iglesia Ni Cristo® Ukol sa kanilang opisyal na simbulo. Narito ang kanilang paliwanag:

Tanong : Maituturing ba ang  Iglesia Ni Cristo® 1914 bilang isang "bayan" o nation? 

Sagot : Hindi po! Hindi po sila isang "bayan" o "bansa". Ang INC™ po ay isang sekta-Protestante na kinaaniban ng halos 99% na mga Pilipino at lahat ng kanilang pag-iral ay napapailalim sa itinatakda ng SALIGANG BATAS NG BANSANG PILIPINAS.

Ang Iglesia Ni Cristo® 1914 ay katulad rin ng maraming nagsulputang mga sekta sa mundo maging sa Pilipinas. Sila po ay MGA KORPORASYON (Corp.) (o inkorporasyon (Inc.)). Ang mga korporasyon/inkorporasyon ay tatag ng tao. WALA silang SOBERANYA (sovereignty) o pagkakakilanlan bilang independent states. Hindi sila nakahihigit sa batas ng ano mang bansa tulad ng Pilipinas. Sila ay umiiral sa ilalim ng batas ng Pilipinas (basahin ang kaibhan ng corporation vs incorporation).

First Part Annex D, Ammended Laws of INC
(Source: alias Benito Afflek)

XXX

XXX

Ang Iglesia Ni Cristo Inc. 1914 ay TATAG ni Ginoong Felix Y. Manalo ayon na rin sa kanilang opisyal na magasing PASUGO Agosto-Setyembre 1964, p. 5

“Kailan napatala sa Pamahalaan o narehistro ang INK sa Pilipinas? Noong Hulyo 27, 1914. Tunay nga na sinasabi sa rehistro na si Kapatid na F. Manalo ang nagtatag ng INK."

Tanong : Ang bandila ba ng INC™ ay maituturing na kapantay ng ibang mga bandila ng alinmang sovereign state o bansa?

Sagot : Hindi po. Ang bandila ng INC™ 1914 ay hindi maituturing na kapantay ng kahit sa alinmang mga bandila ng mga bansa. Kaya't kahit na pilit pang ipantay ito sa alinmang bandila ng bansa, sila ay hindi pa rin maituturing na "bayan" o "nation" lalo't ang pag-ankin na sila raw ay "bayan ng Diyos" o "God's nation". Uulitin po natin, ang INC™ 1914 ay isang SEKTA (religious sect), hindi bayan o nation!

Ambasador ng Mexico at ang Pinunong Pangkalahatan ng sektang INC™ (Photo source: INCMedia)

Katulad ng larawan sa itaas, maling mali na ipantay ng INC™ ang kanilang bandila sa bandila ng Mexico sapagkat tulad ng nasabi na natin, ang INC™ ay HINDI BANSA. Pangalawa hindi pinuno ng bansa si Eduardo V. Manalo kundi tagapangasiwa lamang ng kanilang korporasyon. Mas tama kung ang ilagay ng INC™ na kapantay ng Mexico ay ang BANDILA NG REPUBLIKA NG PILIPINAS!

Pope Francis and President Enrique Peña Nieto, accompanied by First Lady Angélica Rivera, held a meeting in the premises of the Presidential hanger following the Pope's arrival in Mexico. (Photo Source: Wikipedia)

Tanong: Ang bandila ba ng Vatican ay maituturing na kapantay ng ibang mga bayan o bansa?

Sagot: Opo. Sa larawan sa itaas, TAMA po ang pagkakapantay ng bandila ng Mexico at Vatican sapagkat pareho silang mga bansa. Bagamat ang Vatican City State ay ang Centro ng Iglesia Katolika, ITO AY ISANG BAYAN o NATION!

Ayon sa History.com, ang VATICAN CITY po ay ang PINAKAMALIIT NA BANSA sa buong mundo o THE SMALLEST NATION IN THE WORLD. Ito ay may sariling pamahalaan, sariling batas, may sariling gobyerno, at may kasarinlan at soberenya. Ang bawat bansa ay may ambassador sa Vatican at may Papal Nuncio naman sa mga bansang may diplomatic relations tulad ng Pilipinas.

Si Papa FRANCISCO ay isang HEAD OF STATE, at siya rin ay ang VISIBLE head of the Church of Christ. Ito ang dahilan kung bakit ang VATICAN ay may DIPLOMATIC RELATIONS sa maraming bansang kinabibilangan ng UNITED NATIONS. Sa kanyang pagbisita sa maraming mga bansa, ang pagdalaw ng isang Santo Papa ay may katulad na PROTECTION PAGKILALA ayon sa UN Protocol para sa isang VISITING HEAD OF THE STATE.  At sa mga Katoliko, ang kanyang State Visit ay isang Apostolic Visit na rin.


Halimbawa na lamang ang kanyang makasaysayang pagbisita sa United Arab Emirates (UAE) na ginastusan ng Kaharian, ito ay maituturing na isang APOSTOLIC VISIT at isang STATE VISIT.

Ang Iglesia Ni Cristo® 1914, wala po siyang sariling pamahalaan, walang sariling batas, walang sariling gobyerno at walang kasarinlan. Umiiral lamang siya ayon sa itinakda ng Saligang Batas ng Republika ng Pilipinas na kinapapalooban nito. Ganon din naman sa ibang bansa. Ang kanilang mga LOKAL ay itinuturing ng kanilang mga gobyerno bilang sekta (Inc.) at hindi isang bayan o nation.  Mangyari man na magdeklara sila ng kasarinlan, ito ay maituturing na isang rebelyon o treason.

Sa pagdalaw ni Eduardo V. Manalo sa ibang bansa, hindi po siya binibigyan ng pansin ng lider ng bansang dinadalaw katulad ng isang head of state sapagkat ay hindi siya pinuno ng isang bansa o nation. Kaya't MALABO pong maituturing na BAYAN NG DIYOS o GOD'S NATION ang IGLESIA NI CRISTO® na TATAG ni Ginoong Felix Manalo sa Pilipinas noong 1914.

Sa kabuuan, ang IGLESIA KATOLIKA (ang tunay at nag-iisang Iglesiang tatag ni Cristo bilang KANYA) ay ANG BANAL na BAYAN NG DIYOS. Hindi lamang ito isang kathang isip kundi ito ANG KATOTOHANAN. Hindi lamang ito makasaysayang relihiyon kundi ito ay ang makasaysayang IGLESIA NI CRISTO, ISANG BAYANG dinadalika ng buong mundo. Tunay nga na NATUPAD sa KANYA (Iglesia Katolika) ang mga sinalita ni Apostol San Pablo sa kanyang sulat sa mga KRISTIANO ng ROMA (16:16) na ang "LAHAT NG MGA IGLESIA (NI CRISTO) AY BUMABATI SA INYO (ROMA)"!