Iglesia Ni Cristo: Proudly Philippine Founded

FELIX Y. MANALO: HEAD AND FOUNDER OF THE IGLESIA NI CRISTO®

HISTORY: Felix Manalo Founded the Iglesia Ni Cristo® in the Philippines in 1914

"Iglesia ni Cristo (INC), (Tagalog: “Church of Christ”) Cristo also spelled Kristo, international Christian religious movement that constitutes the largest indigenous Christian church in the Philippines. It was established by Félix Ysagun Manalo in 1914." -Encyclopedia Britannica Online

Felix Manalo: Founder

"IGLESIA NI CRISTO began in the Philippines in 1914 with the vision of founder Félix Manalo syncretized with aspects of Christianity. Manalo, disillusioned with both Catholicism and Protestantism, started the group with his own revelations and interpretations of Scripture. He became the INC’s first executive minister." -World Magazine

A Former INC™ rebutts INC™ Defenders

Ang 'PAGLUHOD' ba ay katumbas ng 'PAGSAMBA'?

Huling Sugo: Aral na Hindi Pinaniwalaan ni Felix Manalo hanggang noon lamang 1922?

Si Félix Manálo, na kilalá ring Ka Felix, ang tagapagtatag ng Iglesia Ni Cristo, bagama’t sa mga opisyal na talâ ng nasabing simbahan, siyá ay tinawag na Unang Tagapamahalang Pangkalahatan at Huling Sugo ng Diyos sa mga Huling Araw.

Isinilang si Manalo sa Taguig noong 10 Mayo1886. Ang kaniyang mga magulang ay sina Mariano Ysagun at Bonifacia Manalo, na isang debotong Katoliko. Nang yumao ang ina, bilang pagpapahalaga rito ay pinilì niyang maging Manalo ang kaniyang apelyido. Bagama’t lumaki sa aral ng Simbahang Katolika, naging mapagtanong ang isip ni Manalo kayâ lumahok siyá sa iba’t ibang sekta upang masagot ang kaniyang mga tanong. Naging tagasunod siyá ng Colorum, isang grupong nagdaraos ng paglalakbay sa isang banal na bundok. Pagkaraan, nilisan niya ang Simbahang Katolika at naging pastor sa Methodist Episcopalian Church. Tumigil siyá ng pag-aaral nang mamatay ang kaniyang ina at nang bumalik sa pag-aaral ay nagpatalâ sa Presbyterian Bible School. Nakakilála niya ang grupong Christian Mission at nag-aral sa Manila College of the Bible sa loob ng apat na taón. Sa grupong ito, natutuhan niyang pahalagahan ang pagbibinyag sa pamamagitan ng paglubog sa tubig. Naging tagapangaral siyá ng Salita ng Diyos kabilang sa isang grupong nakilalang Society for the Propagation of the Gospel. Pinakasalan niya nang mga panahong ito si Tomasa Sereneo na taga-Paco, Maynila.

Naging miyembro siyá ng Seventh Day Adventism at nang yumao ang kaniyang asawa, nagpakasal naman siyá kay Honorata de Guzman, na kabílang sa nasabing sekta. Ngunit sumapit ang panahon na kinukuwestiyon na niya ang pangingilin ng grupo kapag araw ng Sabado. Nang hindi makatanggap ng kasiya-siyang sagot, nagbitiw siyá bilang ministro noong 1913. Nagtatag siyá ng sariling grupo noong 1913, na kilalá ngayong Iglesia Ni Cristo (nang una ay Kristo ang baybay). Ipinatalâ ang Iglesia noong 27 Hulyo 1914, ang araw ng pagsisimula ng Unang Digmaang Pandaigdig. Noong 1922, pinalutang ng Iglesia ang idea na si Manalo ang “huling sugo ng Diyos,” dahil para sa kanila, ang kanilang tagapagtatag ay maihahambing kay Moises o kay Pablo ang Apostol. Ang isa pang dahilan ay upang mapatatag ang pamumunò ni Manalo sapagkat may isang sektor na nagtangkang umagaw ng pamamahala ng simbahan. Yumao si Felix Manalo noong12 Abril 1963.

Mabilis na lumago ang mga aral ng Iglesia. Noong 1948, mayroon itong 60,000 miyembro, na naging 200,000 noong 1960. Nagkaroon ito ng mga simbahan hindi lámang sa Filipinas kundi sa 75 iba pang bansa sa buong mundo. Ngayon, mayroon na itong 1,250 lokal na kapilya at 35 katedral sa iba’t ibang panig ng bansa. Mayroon din itong 21 kongregasyon sa Estados Unidos. Noong 27 Hulyo 2007, sa ika-93 anibersaryo ng pagkatatag ng INC, isang panandang pangkasaysayan ang inilagak ng National Historical Institute (NHI) sa bahay na sinilangan ni Manalo sa Barangay Calzada, Tipas, Taguig. Idineklara rin ng dating Pangulong Gloria Macapagal Arroyo ang Hulyo27 bilang “Araw ng Iglesia ni Cristo.” (AEB)

[Cite this article as: Manalo, Felix. (2015). In V. Almario (Ed.), Sagisag Kultura (Vol 1). Manila: National Commission for Culture and the Arts. Retrieved from https://philippineculturaleducation.com.ph/manalo-felix/]

Ang Kasinungalingan ng Isang Bagong Kaanib ng INC™ 1914

"Wala naman sigurong KATO-LIKO na magsasabi na fake ito", ang sabi po ni Wayne Dotor sa kanyang komento sa YouTube video ng INC™-1914.

Tunay nga pong "dating" seminarista ang bagong kaanib ng INC™ na tatag ni Ginoong Felix Y. Manalo noong 1914. Ang hindi lamang po makatotohanan ay ang sabihin niyang siya'y lumabas ng seminaryo sapagkat napagtanto niya na mali ang aral ng Iglesia Katolika.  Ang KATOTOHANAN sa likod ng kanyang pag-anib sa Iglesia Ni Cristo® 1914 ay sapagkat natagpuan niya, ayon sa ating kapatid na Charles Patrick, ang kanyang kasalukuyang asawa. Siya po ay lumabas sa seminaryo mahigit 4 na taon na bago pa siya nagpasyang umanib sa iglesia ni G. Felix Manalo. Hindi raw po niya tinapos ang 4-na taon ng Pilosopiya at nag-aral at nagtapos bilang isang guro.  Noong siya'y naging guro ay doon pa lamang niya nakilala ang kanyang kasintahang kaanib ng INC™. At dahil inibig  niya ng lubos ang kanyang kasintahan kaya't pinagpasyahan niyang IPAGPALIT ang kanyang BIRTHRIGHT bilang Katoliko sa kanyang asawa.  Pinagpalit niya ang tunay na iglesia sa isang peke.

Marami pong mga kwentong katulad ng kay Ginoong Joebert Gavieta. Dating Katoliko, umanig sa INC™ alinsunod sa kagustuhan ng kanilang mga minamahal. At para sa isang debotong INC™ ang pag-aasawa ng isang Katoliko ay isang paraan upang hikayatin sila sa iglesiang tatag ni G. Felix Manalo. At para sa kanila, ang gawaing ito ay kalugud-lugod sa Ama upang maligtas sa dagat-dagatang apoy ang mga Katoliko na "sumasamba sa mga inanyuhang kahoy at bato."

Ngunit para sa mga TUNAY na KAANIB sa TUNAY na IGLESIA NI CRISTO ~ ang Iglesia Katolika na "sa pasimula ay siyang Iglesia ni Cristo" (Pasugo Abril 1966, p. 46) ang PAGSISINUNGLING ay isang uri ng PANLILINLANG. At ang PANLILINLANG ay hindi katangian ng isang taong maka-Diyos sapagkat ang Diyos ay HINDI manlilinlang kundi ang DIABLO! Ang Diyos ay DAAN, KATOTOHANAN at ang BUHAY.  

Kaya't sa ating pagsisiyasat, hindi po tayo dapat umanib sa mga iglesiang MINAMALI ang aral ng iba, NAGSISINUNGLING sa kanilang mga turo at NANLILINLANG sa kanilang mga aral. Iwasan po sila at itakwil ang gayong mga paniniwala. Dito po tayo DAPAT sa TUNAY na Iglesia ni Cristo ~ itong Iglesiang tatag mismo ni Cristo noong 33AD at hindi ang tatag lamang ng tao nitong 1914!