BABALA NG BIBLIA SA MGA BULAANG PROPETANG AYAW TANGGAPIN SI CRISTONG (DIYOS) NAGKATAWANG-TAO

Ganito ang sabi ng mga INC™:

Mga inaralan ng mga bulaang propeta kaya't salat sa katotohanan ang kanilang kaalaman!

Una, ang MATEO 24:11 ay hindi LABAN sa mga nagtuturong si CRISTO AY DIYOS kundi ito ay bahagi lamang ng KAISAHAN ng turo ng Biblia laban sa mga BULAANG PROPETA na ITINATAKWIL si CRISTO na NAGKATAWANG-TAO.

Mateo 24:11 "Lilitaw ang maraming huwad napropeta upang iligaw ang mga tao.

Ngunit bago pa ang versikulo 11 ay ating basahin ang mga naunang talata. Sa Mateo 11: 9-10 ay ganito ang sinasabi: "Pagkatapos, kayo ay isasakdal, pahihirapan at papatayin; tunay na kapopootan kayo ng marami dahil sa akin.  Marami ang mawawalan ng pananampalataya, magkakanulo at mapopoot sa isa't isa."

Sa Mateo 24:9-10, kailan ba sinakdal ang INC™? Kailan ba sila pinahirapan? Sino na ba ang pinatay sa kanilang hanay dahil siya ay kaanib ng INC™? Sila nga ba ang kinapopootan ng marami? 

Sa pagdating ng mga bulaang propeta, ang tunay na Iglesia ay isasakdal, pahihirapan at papatayin; kinapopootan ng marami.. IYAN ang IGLESIA KATOLIKA sa kasalukuyan.

SINO NGA BA ANG MGA TUNAY NA MGA BULAANG PROPETA?

Ang sabi ng Biblia ang mga bulaang propeta ay ang mga taong HINDI TUMATANGGAP KAY CRISTO NA NAGKATAWANG TAO!

1 Juan 1:15-18: "Batay sa inyong narinig na dumarating na ang anti-Cristo, marami nang anti-Cristo ang dumating; kung kaya nalalaman nating sumapit na ang huling oras."

1 Juan 11:19: "Sa atin sila naggaling ngunit hindi sila atin, sapagkat kung sila ay atin, nanatili sana sila sa atin. Subalit ito ay nangyari upang matanyag na silang lahat ay hindi atin." 

Ang sabi ng Biblia ay sumapit na nga ang mga huling mga araw sapagkat DUMATING na ang mga ANTI-CRISTO!

Sino sila?

Ang mga BULAANG PROPETA raw ay NANGGALING SA ATIN! Ngunit HINDI NA SILA SA ATIN sapagkat tayo ngayo'y INAATAKE nila!

PASUGO Oktubre 1956, p. 1:

“Ang Iglesia ni Cristo ay nagdaos ng pamamahayag sa Lunsod ng Davao. Nagsalita roon si Kapatid na Felix Manalo at ang kasama niyang mga Ministro. Ipinahayag doon ng mga nagsalita na ang Iglesia Katolika Romana ay hindi itinatag ni Cristo kundi itinatag ng Diablo."

Hindi ba't si FELIX MANALO ay GALING SA ATIN (KATOLIKO) at tayo ngayon ang INAAWAY nila? Kaya't HINDI NA SIYA SA ATIN! Natupad nga naman sa kanya ang sinasaad ng Biblia.

Source: Wikipedia/Felix Manalo

At bakit naman natin sinasabing ANTI-CRISTO si Felix Manalo?

Sapagkat IPINANGANGARAL niya at ng mga kaanib nito na si CRISTO AY HINDI DIYOS ~ isang bagay na tinututulan ng Banal na Biblia.

Filipos 2:5-6 "Taglayin ninyo ang mga damdamin na tinaglay din ni CRISTO JESUS, na bagaman NASA KANYA ANG KALIKASAN NG DIYOS ay hindi niya inangkin ang matulad sa Diyos..."

Juan 1:1;14 "Sa mula't mula pa ay may Verbo na, at ang Verbo ay sumasa Diyos, at ANG VERBO AY DIYOS!... At NAGKATAWANG-TAO ang VERBO at nakipamayan sa atin!"

Ang linaw-linaw ng sinasabi ng Biblia. NA SI CRISTO AY NASA ANYONG DIYOS at bagaman SIYA AY DIYOS ay piniling MAGKATAWANG-TAO (kaya't ang Diyos ay may anyo at may dugo!)

Isang KASINUNGALINGAN, PANDARAYA at PANLILINLANG ang sabihin ng mga kaanib ng Iglesia Ni Cristo® 1914 na itinuturo ng Biblia na HINDI Diyos si Cristo!

At ANONG KAPALARAN ng mga MANGANGARAL ng kasinungalingang ito? Sila raw ay ang mga ANTI-CRISTO o KALABAN NI CRISTO!

2 Juan 1:7 "Sapagkat NAGKALAT sa daigdig ang MARAMING MANDARAYA na AYAW KUMILALA NA SI JESUCRISTO (DIYOS) AY NAGKATAWANG-TAO; ganyan nga ang mandaraya at ang ANTI-CRISTO!"

At sa darating na panahon, lahat ay TITINGALA sa LANGIT, pati ang mga kaanib ng INC™ 1914 na hindi kumikilala kay Cristo bilang Diyos na nagkatawang-tao; MAKIKITA nila si Cristo pati ang SUMUGAT SA KANYA.

At mula sa alapaap, magwiwika si JESUS na Diyos "Ako ang Alpa at ang Omega" wika ng Panginoong Diyos, na nabubuhay ngayon, noong una at paririto, ang Makapangyarihan sa lahat! (Pahayag 1:8)

At sa mga UMALIS sa TUNAY na IGLESIA NI CRISTO ~ ang IGLESIA KATOLIKA ~ halina at bumalik sa Kanya sapagkat sa Kanyang pagparito ay ang TUNAY na Iglesia ang Kanyang ililigtas, hindi ang peke!

"Tayo ay sumasa katotohanan, sa kanyang Anak na si Jesucristo. SIYA ANG DIYOS NA TUNAY AT BUHAY na walang haggan." (1 Juan 1:20)